ମୁମ୍ଵାଇ ୦୯।୧୨; ’ପୁଷ୍ପା-୨’ଏବେ ବକ୍ସ ଅଫିସରେ ଧମାଲ କରୁଛି । ଫିଲ୍ମଟି ସବୁ ହଲରେ ହାଉସଫୁଲ ରହିଛି । ପୁଷ୍ପା ଭଳି ପୁଷ୍ପା-୨ ମଧ୍ୟ ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗିବାରେ ଲାଗିଛି । ଫିଲ୍ମରେ ପୁଷ୍ପାରାଜଙ୍କ ହିନ୍ଦି ଡାଏଲଗ ଶୁଣିଥିବେ ନିଶ୍ଚୟ । ଅଲ୍ଲୁଙ୍କ ଅଭିନୟ ସାଙ୍ଗକୁ ଡାଏଲଗ ଦର୍ଶକଙ୍କୁ ଶେଷ ପର୍ଯ୍ୟନ୍ତ ଦେଖିବା ପାଇଁ ବାନ୍ଧି ରଖି ପାରୁଛି । ତେବେ ଅଲ୍ଲୁଙ୍କ ହିନ୍ଦି ଭଏସ ଡବିଂ କରିଛନ୍ତି ବଲିଉଡ ଅଭିନେତା ଶ୍ରେୟସ ତଲପଡେ । ତାଙ୍କୁ କିପରି ଭାବେ କାମ ମିଳିଲା। କେମିତି ଥିଲା ସେ ସବୁ ସମୟ। ଏବେ ଇଣ୍ଟରଭିୟୁ ସମୟରେ ଅନେକ ସ୍କୃତି ସେ ବଖାଣିଛନ୍ତି ।
ଫିଲ୍ମର ସଫଳତାକୁ ନେଇ ଯେତେବେଳେ ଶ୍ରେୟସଙ୍କୁ ଶ୍ରେୟ ଦିଆଯାଇଥିଲା ସେ କହିଥିଲେ କି, ଏହା କେବଳ ନିର୍ଦ୍ଦେଶକ ଏବଂ ଅଲ୍ଲୁ ଅର୍ଜୁନ ସହ ତାଙ୍କ ଟିମ ପାଇଁ ସମ୍ଭବ ହୋଇ ପାରିଛି । ଫିଲ୍ମର ଜ୍ବଳନ୍ତ ଅଭିନୟ ମୋତେ ସୁନ୍ଦର ଭାବେ ଭଏସ ଡବିଂ କରିବାକୁ ପ୍ରେରଣା ଦେଇଥିଲା ବୋଲି ଶ୍ରେୟସ କହିଛନ୍ତି । ଏହାସହ ତାଙ୍କୁ ଯେତେବେଳେ ପଚରା ଯାଇଥିଲା କି, ଯଦି ଏହି ଫିଲ୍ମର ରିମେକ ହୁଏ ତେବେ ତୁମେ ପୁଷ୍ପା ଭୂମିକାରେ ଅଭିନୟ କରିବ କି ? ଏହାର ଉତ୍ତରରେ ସେ କହିଛନ୍ତି କି, ମୁଁ ଏଭଳି ଚରିତ୍ର ପାଇନାହିଁ । ଯଦି ମିଳେ ତାହେଲେ ଖୁସିରେ କରିବି ।
ଶ୍ରେୟସ ଆହୁରି କହିଛନ୍ତି କି, ମୋତେ କୁହାଯାଇଥିଲା କି, ଫିଲ୍ମର କ୍ଲାଇମାକ୍ସରେ ଏକ ଦୁଃଖ ସିନ୍ ରହିଛି । ଯାହାକି ଏକ ଛୋଟ ସିନ୍ । ମାତ୍ର ମୁଁ ଯେତେବେଳେ ଏହି ସିନକୁ ଦେଖି ଥିଲି ଭାବପ୍ରବଣ ହୋଇ ଯାଇଥିଲି । ଆଉ ଶତପ୍ରତିଶତ ଦେବାକୁ ଚେଷ୍ଟା କରିଥିଲି । ଜଣେ କଳାକାର ଅଭିନୟ କରିଥିବାବେଳେ ତାଙ୍କ ପାଇଁ ଭଏସ ଡବିଂ କରିବା ବହୁତ କଷ୍ଟକର । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି କି, ଯେତେବେଳେ ପୁଷ୍ପାର ଭଏସ ଡବିଂ ପାଇଁ ତାଙ୍କୁ କଲ ଯାଇଥିଲା ସେ ବେଶ ଖୁସି ହେବା ସହ ନର୍ଭସ ହୋଇଥିଲେ । ସାଉଥର ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ବହୁଫ୍ୟାନ୍ସ ନଭର୍ସ। ଏମିତି ତାଙ୍କ ସହ ଭେଟ ହେବାକୁ ମଧ୍ୟ ଚାହିଁଥିଲେ । ମାତ୍ର ସେ ସୁଯୋଗ ତାଙ୍କ ମିଳିନଥିଲା ।
